角落咖啡廳 (已易手) 新餐廳

想揀間CP值高又唔會太貴嘅西餐廳食節日大餐，去完大館睇展就去咗同區嘅Corner Café，位置方便易去，環境寧靜非常舒適，Cafe裝修係好靚嘅打卡熱點，有幅打卡牆啱晒女生們影相，Openrice仲有晚市9折優惠添～金箔蟹膏蟹肉意大利飯蟹膏蟹肉味道同忌廉醬汁都頗夾，味道唔算好濃，不過意大利飯煮得剛剛好，飯粒分明唔會太生或太熟，如果蟹膏同蟹肉份量多啲會更滿足～美國prime肉眼扒配薯條五成熟肉眼扒肉汁多唔會又乾又柴，表面煎得好香，肉質腍滑大塊，薯條亦係加分位！