泰.越.港 (已結業)

「泰式鳳尾蝦炒金邊粉」相比好多地方嘅金邊粉，佢嘅配菜份量令我好滿意。鳳尾蝦有三大隻，其他配菜如：花生、芽菜、雞蛋、豆腐等等都不少。味道不會太鹹或者太淡，賣相都好吸引。對於我比較細食嘅女士，整碟金邊粉嘅份量很多，呢個價錢好抵食。「越式涼拌豬扒撈檬」好多餐廳提供嘅檬粉都是凍的，依間餐廳嘅檬粉仲係熱辣辣。上菜時，服務員更細心提醒我哋，撈檬粉嘅酸汁使用方法，提醒我哋要攪勻才倒出，點樣食會好味啲。這點令我好欣賞👍🏻 豬扒不會炸到油淋淋或乾爭爭，豬扒和配菜分量滿意，不欺場。味道不錯。「椰汁珍多冰」&「椰汁紅豆冰」真係椰汁👍🏻 唔係椰粉溝水。紅豆冰甜度適中。好意外，埋單時發現有九折，原來而家做緊抗疫推廣，午市有9折。下午茶時段， lunch set更加有8折。經濟不景，發現好多餐廳都將貨就價，份量減少之餘，更加會選擇次等材料煮食。但呢間餐廳依然堅持誠信，真材實料，沒有欺詐。實在令我感動。我會再幫襯。👍🏻👍🏻👍🏻 香港人，加油💪🏻💪🏻💪🏻