影片
更多
2023-03-30
65 瀏覽
(๑˃̵ᴗ˂̵) ☆ 喜多嬉牡蠣屋 ☆ #中環 🔥中環擺花街日本居酒屋🔥 ✨日本直送高CP值牡蠣放題✨ 香港普遍餐廳供應嘅生蠔都係法國紐西蘭等等歐洲產地～ 今日要同大家分享一間位於中環主打日本牡蠣料理嘅居酒屋！佢哋嘅牡蠣放題真係超級抵食✨ 餐廳提供60/90分鐘嘅放題選擇，小編同朋友就揀左$498一位嘅90分鐘放題🥰 選擇雖然唔係多到好似坊間日式放題店咁，但係我地食野貴精不貴多～ 整體食物水準頗高！哩個價錢哩個地段都真係幾值得一試❤️ ▿▿▿▿▿▿▿▿▿▿▿▿▿▿▿▿▿▿▿▿▿▿▿▿▿▿ ⋖ Comments ⋗ ➺ 喜多嬉九品 第一樣上檯嘅食物係哩個九品料理～ 九宮格嘅造型都幾Photogenic 📷 餐廳會根據食材挑選9款時令前菜！當日小編就有機會試左象拔蚌刺身、二色燒活白鰻、手工月見燒鳥丸、牡蠣刺身、牡蠣茶漬飯、天婦羅秋葵、天婦羅紫蘇葉吞拿魚蓉、沙律同埋漬物～ 個燒鳥丸幾特別！因為用左雞肉同埋雞軟骨，食落甜甜地，仲可以點蛋汁食🍳 味道同口感都豐富🥰 ➺ 喜多嬉牡蠣刺身 黎到今餐飯嘅重頭戲！餐廳所有生蠔都是由北木島喜多嬉牡蠣養殖場直送，所以食落超級新鮮～ 日本生蠔出名大隻，肥美肉厚🦪
☆ 喜多嬉牡蠣屋 ☆ #中環
🔥中環擺花街日本居酒屋🔥
✨日本直送高CP值牡蠣放題✨
香港普遍餐廳供應嘅生蠔都係法國紐西蘭等等歐洲產地～ 今日要同大家分享一間位於中環主打日本牡蠣料理嘅居酒屋！佢哋嘅牡蠣放題真係超級抵食✨ 餐廳提供60/90分鐘嘅放題選擇，小編同朋友就揀左$498一位嘅90分鐘放題🥰 選擇雖然唔係多到好似坊間日式放題店咁，但係我地食野貴精不貴多～ 整體食物水準頗高！哩個價錢哩個地段都真係幾值得一試❤️
▿▿▿▿▿▿▿▿▿▿▿▿▿▿▿▿▿▿▿▿▿▿▿▿▿▿
⋖ Comments ⋗
➺ 喜多嬉九品
第一樣上檯嘅食物係哩個九品料理～ 九宮格嘅造型都幾Photogenic 📷 餐廳會根據食材挑選9款時令前菜！當日小編就有機會試左象拔蚌刺身、二色燒活白鰻、手工月見燒鳥丸、牡蠣刺身、牡蠣茶漬飯、天婦羅秋葵、天婦羅紫蘇葉吞拿魚蓉、沙律同埋漬物～ 個燒鳥丸幾特別！因為用左雞肉同埋雞軟骨，食落甜甜地，仲可以點蛋汁食🍳 味道同口感都豐富🥰
➺ 喜多嬉牡蠣刺身
黎到今餐飯嘅重頭戲！餐廳所有生蠔都是由北木島喜多嬉牡蠣養殖場直送，所以食落超級新鮮～ 日本生蠔出名大隻，肥美肉厚🦪 另外哩度嘅好仲鮮甜同埋帶有豐富嘅海水味🌊 加埋土佐醋啫喱、蘿蔔茸同埋蔥花，食落就更顯食材鮮味✨
➺ 燒牡蠣
唔好以為燒熟左就會縮曬水唔好食！哩度嘅燒蠔都係燒得剛剛好！保持到應有口感同埋鮮味，大大啖入口爆汁💦 另外餐廳仲提供左孜然醬、XO醬同埋蒜蓉，可以根據個人口味配搭唔同醬汁～ 小編就最鍾意原汁原味食🥰
➺ 牡蠣五島手延烏冬
喺兩款烏冬入面小編比較鍾意湯烏冬～ 可能係因為五島手延烏冬本身比較幼細，如果整成撈麵嘅話會更加容易糊左～ 反而湯麵更加可以食到根根分明又掛湯嘅味道！同埋牡蠣高湯整體鮮甜，雖然小編食蠔食到好飽但係都有食曬個麵🙈🙈😂
➺ 小食
小食方面，餐廳有唔同嘅串燒可以揀～ 豬牛雞羊都有齊曬🐷🐮🐔🐑 連味醂鰩魚翅哩個居酒屋第一佐酒小食都有！不過串燒感覺就冇燒蠔/生蠔咁突出，如果食到膩想轉換口味都唔錯～
(๑˃̵ᴗ˂̵) 整體評論
整體黎講，小編覺得哩個價錢可以食到哩個水準嘅生蠔任食都已經好抵～ （平時$700+嘅自助餐都係得啲紐西蘭level 3...） 另外其實餐廳仲有燒帆立貝食～但係小編prefer all-in生蠔🦪 所以就冇試到🤣 同埋餐廳仲有好多優質飲品提供～ 食到有啲膩飲翻個冷泡茶就最適合啦🍵
▿▿▿▿▿▿▿▿▿▿▿▿▿▿▿▿▿▿▿▿▿▿▿▿▿▿
喜多嬉牡蠣屋 (中環)
地址：中環擺花街1-7號一號廣場地下9號舖
營業時間：12:00 - 20:45
32 瀏覽
0 讚好
0 留言
張貼
