Nunu燒 (已結業)

今日收工想食日本菜就同朋友喺中環附近搵吓有冇啲平靚正嘅日本居酒屋試吓，我哋搵到一間係和安里都幾隱蔽但係睇佢餐牌都非常吸引嘅一間日本居酒屋🏮去得日本居酒屋梗係唔可以唔食佢哋嘅串燒，我哋就叫咗一個特選串燒🍢組合，依個係串燒組合一共有五串，分別有雞翼、燒牛肉🥩、燒牛舌、荔枝豚肉卷和軟骨雞棒。由於有太多串煙想食又驚食唔晒，我哋覺得叫呢個串燒組合係最抵食，又可以試到五款唔同嘅嘢食，份量又可以兩個人share就啱啱好！佢個軟骨雞棒非常之好味😋口感非常豐富因為除咗有雞軟骨口感之外，仲食到有雞肉嘅口感。最後我覺得最特別嘅係佢俾咗隻生蛋黃🍳加醬油我哋點串燒食，真係令到成個串燒組合錦上添花我哋都仲叫咗一個12件嘅壽司定食，佢嘅壽司定食除咗有12件有廚師發板嘅壽司之外，仲包左一碗湯和沙律🥗仲有覺得佢哋餐廳都非常貼心，係落order嘅時候你可以同師傅講你有啲咩魚生係唔食或者有咩食物敏感，師傅就會盡量幫你安排另一款壽司🍣我哋今次仲特別叫咗兩款做火炙壽司分別係帶子同埋三文魚，做咗火炙壽司之後都食得出帶子非常鮮甜，而且係有厚度的，帶子非常肥美👍🏻另外有幾款係時令壽司都覺得非常好食鮮甜，我覺得以咁嘅價錢可以食到12件