何蘭正

營業中

休息中

仲記得之前第一次幫襯仲係Soho區，有一種特別有親和感小店feel~ 依家店面大啲，有唔少港式懷舊佈置，加埋個落地大玻璃特別有空間感！菜式同以往一樣主打加入左港式元素嘅Fusion菜，就連Cocktails 都有港式風味！由賣相以至味道都帶驚喜感💓-香煎五花肉•Q彈花枝漿•飛魚籽糖醋汁 漢堡包個包認真足料夠巨型！中間夾住嘅係炸得香脆嘅花枝漿 ，口感彈牙🍔 上面係煎到帶焦香嘅五花肉，充滿油香，配上酸酸甜甜嘅飛魚籽糖醋汁可以一解油膩感！一旁仲附上麻醬沙律菜*櫻花蝦牛油烤日本帆立貝•爆炒越南虎蝦球•本地鮮魷魚墨魚汁瑤柱手工扁意粉估唔到意粉加入左港式元素係會咁惹味😍 首先意粉煮得口感剛好，有咬口個款！而個醬汁係帶明顯蒜香同海鮮嘅鮮味～ 日本帆立貝幾嫩滑，係偏薄身左啲😗 鮮魷保留到爽脆感！成碟意粉嘅配料可以話相當豐富💓*中國白腐乳•法國白芝士焦糖燉蛋全餐飯最有驚喜感嘅竟然係依款甜品！本以為加入腐乳會好搶味，原來配埋白芝士一齊會有種cream cheese嘅味道，繼而係腐乳嘅餘韻🥄 成個味道好Rich! 放上烘得酥脆嘅多士一齊食超夾，好似塗果醬咁！一定會encore*咸梅西瓜沙冰天氣咁熱飲依杯消暑