Ciao Chow - Italian Cafeteria (已結業)

今日放工，約左朋友食飯，星期五晚所以都預訂左位.7點左右到達，都見到唔少外國人巳經系門口嘅座位上暢飲傾計.坐左系入面啲嘅位置，面對住個開放式廚房，欣賞到一眾廚師系到煮野食嘅畫面，而左邊就系兩個大螢幕，播放緊live嘅欖球比賽，畫質聲音都唔錯我地一共叫左一個沙律，兩個主食，一杯野飲. 味道唔錯，沙律系有牛油果，健康食品，個沙津醬系蛋黄醬，配合埋啲大蝦，令到個口感豐富左.而杯椰子味咖啡，口感細滑而且唔甜，岩哂唔鍾意加糖嘅人呀，而個羅勒醬意粉口感就有驚喜，因為青醬平時較少食，因為唔系間間都好食但系個意粉口感就相當唔錯，唔會太硬亦都唔會太軟，有啲咬口，配埋個羅勒醬，整體相當好而個黑松露芝士露荀意大利飯就還可以哩一間餐廳可以話系一大班朋友黎睇球賽嘅不二之選呀！