竹源越南餐廳 (已結業)

今日輪到我提議去邊度食，想食越南野，但又唔想去明珠，上o黎seach下搵到呢間。地方唔大，好彩早少少，過了一點後幾多人等位。好多選擇，有d款式係其他越南餐廳未必有。同事點了生牛肉湯河，大大碗，我只食了d配菜，味道唔錯喎，佢o地猛讚話好食。我想食紅飯，但只得牛柳粒紅飯，d紅飯冇明珠咁香，不過冇咁油。食了一兩粒牛柳粒，唔韌幾鬆化，不過可能落了好多肉鬆粉都未定。見到憐憐話越式炒金邊粉好食，今次都有叫，配料真係幾多又大碟，不算太油但係味道咸左d。咸魚炒芥蘭-每條芥蘭size都差不多，幾嫩口，咸魚蓉唔算少但唔會好咸。雖然另加5蚊可飲d特飲，但3個女仔都食唔晒，所以咁抵都冇叫到。搭台的一位女仔食左碗蕃茄牛腩湯河，勁香蕃茄味，睇落D蕃茄湯好似好正，同事話下次再叫多D人O黎試下其他野。