Nunu燒 (已搬遷) 新店位置

究竟蘭桂芳除咗飲酒之外，其實仲有一條食街係和安里，全條街滿佈細小型食店，質素都唔差架，好似上星期我同好友嚟到“Nunu燒”，就係畀佢哋嘅鰻魚深深吸引。因為好友在中環返工而且又係愛鰻魚人士，佢就點會錯過呢～仲帶埋我嚟食添，老老實實呢條街總會miss，好彩有位中環地膽帶路。我哋叫了“雙重芝士火山燒鰻魚飯”，燒鏝魚好肥美肉滑，而且鰻魚燒汁仲好香，芝士拉絲架，採用日本珍珠米，份量十足，好好味呀～小食有香芋丸子，炸得外脆內軟，不油膩。燒物有軟骨雞棒，啖啖雞肉配上蛋汁，滋味無比。我最欣賞每張檯都有一壺溫暖的柚子茶，清甜滋潤，我同好友都不停乾杯，已柚子茶代一般茶水呢個位很不錯。