T8 Japanese Cuisine (已結業)

呢間位於蘭桂坊商業大廈上面嘅T8 Japanese cuisine，主打鐵板燒同埋omakase ，餐廳裝修格局以簡約日式木系風格為主，分成三個房間，環境寬敞舒適。店員同埋師傅服務態度好好，實在令人賓至如歸~有幾款套餐可供選擇，今次我就食咗「夏祭海鮮套餐」$1680/位，有前菜、刺身、湯、炒飯、甜品同埋各款鐵板海鮮菜式，非常豐富！尤其是見到成盤新鮮海鮮，真係令人眼前一亮！海膽松葉蟹肉果凍打響頭炮嘅一款前菜，擺盤精緻，松葉蟹肉配上海膽高湯啫喱，鮮甜美味！季節刺身二款分別有北海道帆立貝上面加上岩鹽青檸汁，厚切好大件，新鮮爽口～另外大拖羅剌身油香十足，口感入口即溶。蠑螺壺燒蠑螺連埋個殼原隻上，入面設成小片配上湯汁，鮮味十足，小心個殼好熱㗎！鑯板燒蟶子王蟶子超大隻，落咗少少蒜蓉香草牛油調味，火候控制得啱啱好，唔會過熟，口感爽口彈牙！鐵板燒明太子煮蜆我最喜歡嘅一款菜式❤️ 蜆好肥美大隻，加入明太子、日本酒同埋木魚水煮蜆，湯汁非常鮮甜～鐵板燒班馬瀨尿蝦成隻斑馬賴尿蝦都係鮮橙色嘅膏，肉質夠彈牙，仲有少少牛油香味，落咗啲烏魚子增加鹹香，真係超正！樱花蝦炒飯食完鐵板菜式之後仲有個櫻花蝦炒飯，一定夠晒飽～白