影片
更多
2018-08-14
173 瀏覽
有位舊朋友係中環番工，放工後順利成章係個一帶搵食。大概夜晚七點鐘左右上到天慶，場內顧客唔算太多。初初到達餐廳一度以為去錯地方，因為裝修並非傳統一般日式料理居酒屋，入到門口就見到酒吧兼DJ打碟位置，十分現代化。特別一提，在場侍應都非常國際化，呢點都係其中一個混淆我嘅原因。所以就算你覺得唔妥，但其實你無去錯地方咖！ 廢話少講，菜單當然都係英文混雜日式英文拼音，所以建議去之前睇定食評相，預先有個大概想食乜會比較好。最後我地前菜、小食、麵飯、甜品、飲品都分別有柯打到。最先到達嘅係飲品，我地分別柯打咗蘋果汁(Apple Juice)同白可樂(Eko Brewery & Organic White Cola Soda)。蘋果汁非常新鮮感覺無添加糖，味道夠天然，清清甜甜加冰消暑又解渴，我覺得除咗茶之外，果汁都係非常適合食日本野時飲。至於淺嚐咗一口白可樂，味道猶似食可樂糖白色部分嘅口味，相對上無咁甜，幾好飲。接住前菜到，分別有天慶枝豆(Tenkei Edamame)、芝麻醬小棠菜(Gomae)、舞茸蘑菇清湯(Maitaki Konsome-Supu)。枝豆用最簡單嘅方法，水煮熟再加入柚子鹽，天然嘅鹽味
廢話少講，菜單當然都係英文混雜日式英文拼音，所以建議去之前睇定食評相，預先有個大概想食乜會比較好。最後我地前菜、小食、麵飯、甜品、飲品都分別有柯打到。
最先到達嘅係飲品，我地分別柯打咗蘋果汁(Apple Juice)同白可樂(Eko Brewery & Organic White Cola Soda)。蘋果汁非常新鮮感覺無添加糖，味道夠天然，清清甜甜加冰消暑又解渴，我覺得除咗茶之外，果汁都係非常適合食日本野時飲。至於淺嚐咗一口白可樂，味道猶似食可樂糖白色部分嘅口味，相對上無咁甜，幾好飲。
接住前菜到，分別有天慶枝豆(Tenkei Edamame)、芝麻醬小棠菜(Gomae)、舞茸蘑菇清湯(Maitaki Konsome-Supu)。枝豆用最簡單嘅方法，水煮熟再加入柚子鹽，天然嘅鹽味帶微酸甜嘅柚子香幫料理提味；第一次食，個人覺得又幾有風味，厚重嘅豆味配酒感覺一流。然後菇湯嘅湯底以木魚及舞茸菇熬製煮成，入口清甜順喉，散發淡淡嘅鮮菇味道。
之後係抹茶蕎麥麵(Matcha Soba)、三點天慶卷(Tenkei Gunkan)、豬肉蓮藕餅(Renkon Tempura)。蕎麥麵賣相吸引份量適中，先將旁邊嘅山葵蓉、蔥粒同鵪春蛋放入冷麵汁，再將冷麵點蘸進食，帶抹茶味嘅蕎麥麵沾上少少山葵辣味，清清地唔會覺得溜，感覺健康。至於天慶卷分別有辣味吞拿魚、帆立貝、海膽三種口味，味道正正同冷麵成對比，強烈而且有層次，除咗刺身既有嘅味道，壽司飯裡混合咗素菜及芥末餡料去製作，味道豐富且感覺新鮮，餐單必選而且建議可以每人一份，因為真係幾好食！而豬肉蓮藕餅，有家嘅感覺，蓮藕爽脆配搭豬肉，點蘸佢嘅醋醬汁，令人更開胃。
然後有乾辣椒絲炸雞(Chicken Karaage)、吞拿魚牛油果餅(Maguro Avocade)、刺身丼飯(Combo Seafood Don)。炸雞處理得好好，外皮乾身但內裡雞肉保持肉汁，夾埋面上辣椒絲再點蘸芥末蛋黃醬，不俗！至於吞拿魚牛油果餅可以話係終日賣相第一，以三層組合製成：底層吞拿魚刺生粒、中層係牛油果蓉、頂端插住紫薯片，伴柚子汁調味。食法並無特定，較為西式一點則可以拎一片紫薯片，不些少牛油果再不一羹吞拿魚係上面一齊食，濃郁嘅牛油果味以及吞拿魚魚油香，食完齒頰流香，值得推薦。
最後以抹茶吉事果(Matcha Churros)作結，第一次食呢款甜品感覺有趣，入口外面酥脆，裡面軟嫩，抹茶口味唔算太特出，但除咗可以點旁邊嘅抹茶粉外，容器底下仲有煉奶可以點蘸，不油膩嘅一款輕食。
總結，餐廳食物水準喜出望外，而且位於中環區嘅呢個價錢定價唔算好貴，服務周到；唯一不足之處係DJ音樂過於嘈雜同刺耳，能夠理解呢個係餐廳想予人現代又時尚感嘅風格，但坐耐咗少不免感到煩厭同頭痛，坐得唔太舒服。一班人食厭傳統日本菜，呢間新式日本料理居酒屋，絕對係唔錯嘅選擇。
張貼
