Craft Brew & Co (已結業)

中環食肆多但打工仔更多，往往都好難係食飯時間揾到位。今日就約左兩個朋友去遠少少揾食。Craft Brew & Co. 係大館附近，搭半山電梯都唔算太難去。上網一早訂左位，但其實去到餐廳只係半滿，仲可以自己揀位坐。環境唔錯，係度傾計都幾開心。Set Lunch 價錢幾抵 另有散叫menu叫左個Hong Kong U burger, 雖然唔知同港大有啲咩關係，但以68蚊黎計真係真心抵，burger入面有蛋，肉，煙肉，真心足料。反而係跟餐既凍檸茶無咩味，美中不足。