Maru & J48

營業中

休息中

生日月飯局多，又係時候周圍發掘新美食！喺 社交平台見到呢間被稱為「隱世美味」嘅韓國菜梗係要帶埋朋友嚟試試係廣告定真美味啦.魚糕湯係我食韓餐必點菜式趁天氣凍凍地，飲返碗熱辣辣嘅湯，簡直係人間美味！第一次見有咁多海鮮嘅魚糕湯，飲落好鮮味而且辣度恰到好處，不知不覺間已經空盤。.同行朋友就係水冷麵打手，話襯燒酒一絕食落都幾爽口，湯汁辣辣哋配埋青瓜絲，好解膩.煎蛋捲幾乎見到每台都有叫蛋香味十足，而且熟嘅程度恰到好處外面微脆，內裡香滑，食落好滿足.叫咗燒酒同 Highball，個人覺得飲燒酒就好！同場見到幾乎9 成都係韓國人，配埋 high 爆韓國音樂，一秒夢回韓國！