Grill ขุนทอง (和安里)

營業中

休息中

呢間喺蘭桂坊斜路嘅串燒 相信有去過飲嘢嘅朋友都唔會覺得陌生😏 之前同朋友飲完嘢去食宵夜 真係覺得好好食 我哋話要係一個清醒嘅狀態下試吓佢係咪真係咁好味😂要咗兩個套餐 泰式豬髀飯 泰式雜錦串燒菠蘿炒飯 跟餐包嘢飲 叫咗凍檸茶同奶茶泰式豬髀滷得都幾入味 無骨豬脾肉腍滑 啖啖骨膠原嘅感覺！最抵讚嘅係佢入邊有好多榨菜同芥蘭 即刻感覺健康啲✌🏻 雜錦串燒套餐有齊豬牛雞串燒各一 燒得香口又唔會太老 可以點沙嗲醬/泰式酸辣醬 炒飯炒得都香口 粒粒分明 私心想佢加啲肉鬆🍚 另外點少得必嗌嘅串燒 牛仔骨燒至焦香 有酸辣嘅醬汁同香茅味道🐮 豬頸肉厚切啖啖肉 烤完唔會乾哂 爽口有肉汁🐷 魷魚鬚好彈牙 燒得好香 鍾意食辣嘅一定要加辣🌶️