影片
更多
2023-03-22
276 瀏覽
呢間Cafe位於中環嘅樓上舖，如果唔係朋友介紹，未必會留意到呢間餐廳。🪑Cafe裝潢偏日系，以木傢俬為主，另外有一個角落位置擺放左沙發🛋私隱度高，爲客人提供舒適、寧靜既環境。Cafe有一大玻璃窗，採光充足，日頭天氣好會有陽光打入店面，心情都靚d🌞今日試左餐廳既set lunch，價錢由$88-$168不等，包Soup/Salad + Main + 50%off Drinks。\ 🎃 餐湯‧南瓜湯 /平時好少會飲南瓜湯，有得揀都揀磨菇湯。南瓜湯口味偏甜，飲落好順滑，唔好南瓜嘅我竟然KO晒！\ 🦐虎蝦蝦油闊條意粉 /果然係店舖嘅Signature，上枱已經俾佢個份量嚇親，虎蝦超大隻，而且意粉超多🤤個醬汁超濃味，聞落同食落都勁香～蝦油係經低溫慢慢將蝦殼中嘅香氣萃取落油裡面，而蝦汁係用烤焗過嘅蝦頭同蝦肉煮成高湯，再濃縮成醬汁，成個意粉用盡蝦嘅每一個部份，食落去每一啖都充滿蝦濃郁嘅味道～🦐🦐🦐佢既麵條似係手工麵，食落軟硬適中，每條麵條都掛滿醬汁，唔覺唔覺成碟清晒！而且虎蝦肉質爽口，話佢係店舖主打真係當之無愧！聽講佢仲有個烈日窩夫🧇好出名，係人手製作，仲有Tiramisu，係即點即將咖啡泡上手指餅
🪑Cafe裝潢偏日系，以木傢俬為主，另外有一個角落位置擺放左沙發🛋私隱度高，爲客人提供舒適、寧靜既環境。Cafe有一大玻璃窗，採光充足，日頭天氣好會有陽光打入店面，心情都靚d🌞
今日試左餐廳既set lunch，價錢由$88-$168不等，包Soup/Salad + Main + 50%off Drinks。
\ 🎃 餐湯‧南瓜湯 /
平時好少會飲南瓜湯，有得揀都揀磨菇湯。南瓜湯口味偏甜，飲落好順滑，唔好南瓜嘅我竟然KO晒！
\ 🦐虎蝦蝦油闊條意粉 /
果然係店舖嘅Signature，上枱已經俾佢個份量嚇親，虎蝦超大隻，而且意粉超多🤤個醬汁超濃味，聞落同食落都勁香～蝦油係經低溫慢慢將蝦殼中嘅香氣萃取落油裡面，而蝦汁係用烤焗過嘅蝦頭同蝦肉煮成高湯，再濃縮成醬汁，成個意粉用盡蝦嘅每一個部份，食落去每一啖都充滿蝦濃郁嘅味道～🦐🦐🦐佢既麵條似係手工麵，食落軟硬適中，每條麵條都掛滿醬汁，唔覺唔覺成碟清晒！而且虎蝦肉質爽口，話佢係店舖主打真係當之無愧！
虎蝦蝦油闊條意粉
26 瀏覽
0 讚好
0 留言
唯一美中不足就係食物上菜速度較慢，但店員服務好好。而且佢餐牌會定期轉，唔怕食嚟食去都嗰幾樣野😋
張貼
