Prime Pho

營業中

休息中

突然想食海南雞🐓，朋友找到了依間樓上的新式越南菜🇻🇳。餐廳位置不太好找，入口隱藏在水果街入面。餐廳環境闊落舒適，平日夜晚不太多人，是適合同朋友👭靜靜聊天的好地方。🍽️ 越式温泉去骨海南雞（半隻）海南雞🐓夠大隻肥美，半隻份量都好多。雞去骨方便進食👍🏽，雞肉非常嫩滑，就算是雞胸部位都滑身😋，雞肉生熟度剛好，有好淺的粉紅色，唔會有血水（個人最怕雞肉太生），跟配甜酸醬、葱油和甜醬三款醬料🥣。瑤柱飯絕對有驚喜👍🏽，黃薑飯加入雞湯和香茅、香葉🌿等其他香料烹調，味道香而不油膩，再加入瑤柱粒，灑上香脆的小蝦米🦐，就咁食都好食到一口接一口😋。🍽️ 醬燒茄子原條燒茄子🍆裏面竟然加入了魚子醬😯，仲有昆布、炸米子餅、櫻花蝦，並灑上大量青葱和芫茜🪴，再淋上自家製的醬汁🥣，味道濃郁，口感豐富🤩。🍽️ 蒜蓉炒雜菜炒菜加入了雞湯和大量蒜蓉🧄，雜菜種類好多，有：菜芯、秋葵、粟米芯🌽、椰菜仔、翠玉瓜🥒、車厘茄🍅和雞脾菇🍄，絕對唔會寡！雜菜炒得爽口，蒜蓉味香，又唔油👍🏽！☕ 冰瑤越南咖啡特調咖啡加入菠蘿蓉🍍，菠蘿的酸甜味，中和了咖啡☕的苦澀味，面層有泡沫，味道相當特別🤩。