金華燒臘大王 (已結業)

通常中上環地區，食野都會預左貴啲，但係食物亦都要有一定既質素先配得起個價錢，前排係中環食個快飯試左個炸叉燒滑蛋飯又幾好食喎😆🔸金華叉燒滑蛋飯🐖食燒味飯最怕無汁乾爭爭，而呢個飯既滑蛋多到每一啖飯都可以撈汁撈餸！叉燒肥瘦適中，唔會太油膩。🔸炸叉燒滑蛋飯🥚炸叉燒睇落有好似吉列豬扒，外圍包住既粉漿薄薄一層，唔會太粉，外脆內軟之餘，油脂分佈平均，肥瘦適中。除左就咁食，仲可以夾一啖滑蛋，又或者點一啖附送既麥芽糖醬，啖啖有驚喜。遲啲疫情緩和各位選擇堂食既話，可以留意下舖頭既裝潢，別具特色。臨離開時，留意到佢有做外賣，價錢相當平民，大家不妨一試！📍#金華燒臘大王 (#中環美食)中環租庇利街9號地下