大吃大喝 (威靈頓街)

營業中

休息中

係中環要搵平價而好食既食物比較難，最近開左一間叫“大吃大喝”，決定去試試。呢間小店有主食，飯，唔想食呢啲亦都有多款三文治同小食，啱哂我呢啲想試多款種類美食既人。我同朋友分別叫左香濃沙嗲牛肉滑蛋三文治（$37）先唔講份量足，沙嗲㗎非常突出，非常濃郁，牛肉亦都好容易咬開。正正佢沙嗲味過於濃郁，會稍為蓋過蛋香。喜歡食濃味既朋友值得一試！Double濃厚松露蘑菇滑蛋治（$42)本身滑蛋已經同黑松露係好match,加上蘑菇超有口感，而黑松露味道濃郁之於又不會完全蓋過滑蛋香，加上有蛋黃醬甜甜的，又唔會過膩，推薦！椒鹽炸燒賣（$12)就係普通炸燒賣味道，冇乜特別，但炸燒賣就係平凡而好食，會食上癮。