大喜屋日本料理 (已結業)

睇完大家的食評，我覺得就算打過七折都應該唔差的。選擇了午市放題，一出lift就打個突原來個接待位真係好細，再加上有兩張枱係度，真係多個人都企唔到我係11:50AM到，當時巳有2個人在等，再加我地4個巳感覺好迫吓，跟住再有幾個人嚟到，大家都要就住揾位企！係接待位的哥哥(當時食緊杯麵同聽電話)話因為未夠鐘，佢地仲準備緊，請我地等等，無奈啦！但顧客不斷到，唔使幾分鐘巳經插針都插唔入，根本連lift都出唔到，企lift口D人都叫唔好出lift喇，無得企呀！但餐廳方面完全無人理，我仲以為自己嚟食免費午餐添呢啲服務我真係接受唔到囉好了，終於可以入座，其實心情巳經有好大影響，希望食物可以加番分啦！諗住寫左刺身同壽司order先，但揾人收紙都幾分鐘，唔對路，即刻落埋其他食物，跟住就開始等食之旅12︰36pm終於有刺身上，非常失望，超市好過佢囉。甜蝦同吞拿魚︰梅的三文魚︰水汪汪劍魚腩︰有雪味無鮮味1:00pm才再有第二樣食物到，1︰08pm先有壽司！不過我地巳經係幸福的了，因為隔離枱坐左成鐘都無野食，仲要不停咁追！食物質素方面，基本上我所食到的同睇到介紹的係完兩回事！可取的只有焗蠔同羊鞍(係等左2個鐘的