影片
更多
2020-11-21
1168 瀏覽
講重點。星期三晚四個人一齊去咗呢間舖，見個巨型梳乎厘好似好得意咁，就點咗一份share（除咗紅酒冇再點其他嘢）。結果，份梳乎厘唔似梳乎厘不在話下，更恐怖係第二日開始四個人都食物中毒，痾嘔發燒！！有兩個仲嚴重到入咗醫院，今日（事隔三日）都仲未出得院啊！！認真，睇樣都覺得好伏，乜梳乎厘係咁嘅樣架咩。食落去，得外面嗰薄薄哋一層係硬嘅（硬到唔應該係梳乎厘嘅硬度），裡面成舊就調返轉，只可以話係生生哋嘅蒸蛋。好難食啊！！除咗因為特別可以打下卡（otherwise我都唔會為呢啲咁難食嘅嘢影相），我真係唔知呢碟嘢有啲咩存在價值。好辛苦啊痾嘔肚痛發燒頭痛咗幾日喇！！至於服務就可以話係冇服務可言，可能主觀情感有啲影響啦，印象中個侍應語氣係衰衰哋嘅。結論，唔想死千祈唔好幫襯。
結果，份梳乎厘唔似梳乎厘不在話下，更恐怖係第二日開始四個人都食物中毒，痾嘔發燒！！有兩個仲嚴重到入咗醫院，今日（事隔三日）都仲未出得院啊！！
認真，睇樣都覺得好伏，乜梳乎厘係咁嘅樣架咩。食落去，得外面嗰薄薄哋一層係硬嘅（硬到唔應該係梳乎厘嘅硬度），裡面成舊就調返轉，只可以話係生生哋嘅蒸蛋。好難食啊！！
除咗因為特別可以打下卡（otherwise我都唔會為呢啲咁難食嘅嘢影相），我真係唔知呢碟嘢有啲咩存在價值。好辛苦啊痾嘔肚痛發燒頭痛咗幾日喇！！
至於服務就可以話係冇服務可言，可能主觀情感有啲影響啦，印象中個侍應語氣係衰衰哋嘅。
結論，唔想死千祈唔好幫襯。
梳乎厘？？？？？
$148
214 瀏覽
2 讚好
0 留言
張貼
