影片
更多
2008-04-20
102 瀏覽
原來而家仲有啲服務咁差嘅酒家...2008年4月12日，星期六，晚飯，約8至１０時半。我哋一張大枱，叫小菜食飯，味道都算ｏｋ，但好戲在後頭。我哋傾傾吓，其中一人突然發現杯茶有隻疑似“小強”浮在水面，同枱再有第二個發現另一杯有“小強”，這隻是沉的，相信已浸泡一段時間。我哋搵咗個少肥，冇戴眼鏡，４、５０歲嘅侍應檢查一下嗰兩杯茶。佢拿起來很用神的睇了近１０秒，然後話：「我有老花喎，咩嚟架？」瞬即將兩隻杯攞去架車仔度倒咗，行咗去，冇返過嚟講過一句嘢！我哋真係估佢唔到，都唔係要求佢有咩着數，至少都要交代返件事，我哋覺得係基本禮貌，更何況喺中環做飲食服務？呢個侍應再出現，就當冇事發生過，捧碟生果嚟，都唔知乾唔乾淨。後來，找了收個收銀講呢件事（佢坐我哋枱前面，應該睇到晒件事），佢竟然話：「呢啲嘢，間間酒樓都有架啦，有咩出奇？」其實我哋都明白酒樓出現“小強”不足為奇，但出奇在：（１）侍應的處理手法不專業。作為一家中環的食店，竟然簡單交代問題的意識，及對客人的禮貌都沒有。（２）侍應沒即時交代事件，更意圖「毀屍滅跡」。（３）酒家職員（至少２名）對衛生的觸覺甚低，更不把食環署放在眼內。呢間酒家枉稱“中環區地
2008年4月12日，星期六，晚飯，約8至１０時半。
我哋一張大枱，叫小菜食飯，味道都算ｏｋ，但好戲在後頭。我哋傾傾吓，其中一人突然發現杯茶有隻疑似“小強”浮在水面，同枱再有第二個發現另一杯有“小強”，這隻是沉的，相信已浸泡一段時間。
我哋搵咗個少肥，冇戴眼鏡，４、５０歲嘅侍應檢查一下嗰兩杯茶。佢拿起來很用神的睇了近１０秒，然後話：「我有老花喎，咩嚟架？」瞬即將兩隻杯攞去架車仔度倒咗，行咗去，冇返過嚟講過一句嘢！我哋真係估佢唔到，都唔係要求佢有咩着數，至少都要交代返件事，我哋覺得係基本禮貌，更何況喺中環做飲食服務？呢個侍應再出現，就當冇事發生過，捧碟生果嚟，都唔知乾唔乾淨。
後來，找了收個收銀講呢件事（佢坐我哋枱前面，應該睇到晒件事），佢竟然話：「呢啲嘢，間間酒樓都有架啦，有咩出奇？」
其實我哋都明白酒樓出現“小強”不足為奇，但出奇在：
（１）侍應的處理手法不專業。作為一家中環的食店，竟然簡單交代問題的意識，及對客人的禮貌都沒有。
（２）侍應沒即時交代事件，更意圖「毀屍滅跡」。
（３）酒家職員（至少２名）對衛生的觸覺甚低，更不把食環署放在眼內。
呢間酒家枉稱“中環區地王至尊級豪華婚宴酒家”，試問你又會唔會去呢間酒家食飯，又或者擺酒呢？
張貼
