影片
更多
2015-04-07
5339 瀏覽
作為一個現代人，你諗唔諗得起你上一次食飯完全唔掂電話係幾時嘅時？要食一餐飯，純粹係朋友坐埋一齊傾計，享受嘢食，其實好難。好耐之前「對話體驗」已經有"暗中夜宴"，但基於好多原因一直去唔到試，跟住仲唔記得埋；到最近無意中睇到有報導講起中環有餐廳有呢種體驗，即刻約朋友去試。約左7點，由地鐵站行上去其實都唔算遠，喺Dragon i 側邊樓梯上再向左行，但我地兩個熱血女子行到身水身汗，一入到去就即刻叫杯嘢飲先。我地先喺"lobby"坐低，揀menu (3/4/5 courses 同飲咩)，host同時會問你有冇嘢唔食，要留意，佢嘅意思係食物敏感而唔係有咩你唔鍾意食；跟住去洗手間(最緊要洗手)，當我地ready就由個host帶我地去locker room放好個袋。個locker好細，如果拎大袋或背囊可能只可以鎖住銀包電話等細件嘅貴重物品：個friend帶左個A4 size嘅 clutch，要摺幾下先塞到入去！同埋咁啱我地兩個都冇衫袋同褲袋，locker key差啲唔知放邊好(結果勾住喺隻手鈪度)。搞掂之後，個host就將我地交俾今晚負責service嘅Keith，由佢帶我地入餐廳，坐低，鋪餐巾，斟
約左7點，由地鐵站行上去其實都唔算遠，喺Dragon i 側邊樓梯上再向左行，但我地兩個熱血女子行到身水身汗，一入到去就即刻叫杯嘢飲先。我地先喺"lobby"坐低，揀menu (3/4/5 courses 同飲咩)，host同時會問你有冇嘢唔食，要留意，佢嘅意思係食物敏感而唔係有咩你唔鍾意食；跟住去洗手間(最緊要洗手)，當我地ready就由個host帶我地去locker room放好個袋。個locker好細，如果拎大袋或背囊可能只可以鎖住銀包電話等細件嘅貴重物品：個friend帶左個A4 size嘅 clutch，要摺幾下先塞到入去！同埋咁啱我地兩個都冇衫袋同褲袋，locker key差啲唔知放邊好(結果勾住喺隻手鈪度)。
搞掂之後，個host就將我地交俾今晚負責service嘅Keith，由佢帶我地入餐廳，坐低，鋪餐巾，斟水全部嘢都要喺黑暗之中自己處理，感覺好新奇，但冇想像之中咁困難。
我地食嘅係4 courses menu，有前菜、湯、主菜、同甜品。每放低一碟食物，Keith都會先問我地摸唔摸到個碟，make sure我地ok佢先離開。枱上面有餐具，但用唔用就隨便你，我地今次全程用手，一黎覺得黑麻麻都冇咩所謂(不顧儀態)，二黎喺希望用手感覺下係咩食物。的確，熄左你嘅視覺功能之後，你對味道嘅感覺會強烈咗嘅。
先上第一道菜 amuse bouche：有4件不同嘅小食，其實就咁摸你都會覺得佢嘅plating都細心，每件之間分得幾開，唔好俾啲汁沾到另一個食物，其中一件tuna做得好好，好想食多件~ 第二道係湯同埋沙律：湯會附上飲管，但唔會過熱令你啜唔到，另外當中有個菠菜puff好好味！第三係主菜，分別有脆皮雞同魚，雞好好食，皮脆肉嫩，但個魚就有啲鞋同腥，後來先知原來係yellow tail。去到甜品，有sorbet、啫喱、曲奇餅同蛋糕。個啫喱個味好奇特，好清新嘅感覺，但又講唔出係咩味，其實係蘆薈！佢個個星期都會換menu，所以以上都係僅供參考，而味道方面overall係唔錯嘅，但你唔好expect入去係食大塊肉，因為佢嘅形式會好似petit 4咁，有幾種唔同嘅item。我覺得佢好嘅地方係明明有啲嘢你係唔食，但因為睇唔到然後你食咗，跟住又發覺其實都ok好食。
食完之後會去返lobby，host會介紹返頭先你食左啲咩，見到相入面嘅食物加埋佢嘅講解，有時都會發出"哦"、"係喎"呢啲咁嘅comment。
張貼