Amazake (已結業)

本人每隔一排就會有股放題癮 想食下港女魚生🍣咁啱見到呢間感覺幾靚嘅餐廳有做放題決定喺星期六晚一試🍱一開始坐低咗齋睇menu都唔知點嗌叫侍應埋嚟落單先知原來第一輪menu上面嘅嘢食全部會先嚟一轉😳😳😳牛肉沙律嘅肥牛好一般 好un 叫返刺身沙律會開心啲串燒嚟講 雞腎同雞翼燒得幾香 冬菇有啲未熟透 其餘兩件肉串一般炸物同卷物上到嚟 份量都唔細 兩個女仔見到成檯嘢食不斷上嚟都幾驚😳炸物同卷物表現都係一般 炸物入邊嘅炸雞翼好鞋 而卷物件件都差唔多味道 都係然後上面加少少料 舊飯有啲太濕 基本上呢兩都係用嚟填滿你個胃😂不過刺身嘅質素真係唔錯嘅😊帶子同油甘魚都好鮮甜 三文魚同甜蝦都唔差不過就冇前者表現咁出色😌我哋兩個女仔食完第一粒其實已經好飽佢後面上嘅天婦羅我哋都叫侍應攞走 因為真係冇可能食得晒😂到最後第二輪我哋叫咗一個主菜燒三文魚 同encore左幾件刺身 燒三文魚好彩細細份個汁係調得幾好味 可以一試😛總括來講唔大食嘅人食第一輪就已經飽到上心口😂回本之選刺身嘅質素真係唔差 但問題係你仲有冇肚去食😂星期六晚都幾靜嘅冇滿場 服務就OK啦 冇話漏單同埋等好耐~