Bistecca Italian Steak House (已結業)

慶祝同事生日，要搵間有體面既餐廳，呢間係扒房，但係可以選擇淨係要沙律吧，先$148，沙律吧有超過20樣食物，食完會轉款添，當日有牛油果青瓜，蘑菇，豬肉釀茄子，芝士蕃茄，蜆，西班牙火腿，餐包，鴨胸，炸雞，南瓜，木瓜，西瓜，多到不行。甜品有芝士蛋糕，杏仁蛋糕，朱古力蛋糕，西瓜，哈密瓜。呢個價錢仲要係中環蘭桂坊真係絕無僅有。唔好既地方係枱與枱中間超近，所以好嘈，同同事傾偈傾到差唔多喉嚨痛！我淨係沙律吧，同事就叫左牛扒（+170)同湯(+20)。塊扒唔大塊，好貴。大家都話下次淨係黎食沙律。