影片
更多
2024-10-26
2309 瀏覽
依日去開港島區，又係打卡、睇下展覽，正想搵咖啡☕️飲下、chill下之際，已經行到中環天橋附近，於是索性去次次排長龍嘅VIssion Bakery一望，點知唔係好使排隊，仲要有小編想試嘅開心果丹麥酥賣 😎🥧 Matcha Mochi Danish 😋😋😋😋😋抹茶麻糬丹麥酥面頭嘅抹茶🍵粉顏色，一望就知好啱路數 😋果然抹茶味都好濃，而且唔澀；內層麻糬唔係一pat軟奶奶，而係有咬口、幾大舊下，佔咗差唔多三分一；一件約有小編手指公👍🏻咁厚，自己一個食真係會食飽 😆🥧 Pistachio Custard Danish 😋😋😋😋開心果吉士丹麥酥有接近小編一隻手掌✋🏻咁大，開心果吉士醬呈流心液體狀態，望到都流口水🤤；丹麥酥香甜而酥脆，咬開後仲有開心果凝固嘅蛋漿層，有開心果香，微甜而唔會被吉士醬搶走晒 👍🏻 面頭灑上開心果碎好香，不過就食到有少少殼，咬唔開 😅🍩 Baileys Espresso Donut 😋😋😋😋買三送一之下，送嘅都有得再三選一 🤗 小編揀咗依款冬甩～ 一拎起就有Baileys奶酒香味，一咬奶酒味就出，咖啡☕️香味隨即散發出嚟；冬甩🍩質地鬆軟、回彈，整體好香甜～🍰 Lemon Poun
🥧 Matcha Mochi Danish 😋😋😋😋😋
抹茶麻糬丹麥酥面頭嘅抹茶🍵粉顏色，一望就知好啱路數 😋果然抹茶味都好濃，而且唔澀；內層麻糬唔係一pat軟奶奶，而係有咬口、幾大舊下，佔咗差唔多三分一；一件約有小編手指公👍🏻咁厚，自己一個食真係會食飽 😆
🥧 Pistachio Custard Danish 😋😋😋😋
開心果吉士丹麥酥有接近小編一隻手掌✋🏻咁大，開心果吉士醬呈流心液體狀態，望到都流口水🤤；丹麥酥香甜而酥脆，咬開後仲有開心果凝固嘅蛋漿層，有開心果香，微甜而唔會被吉士醬搶走晒 👍🏻 面頭灑上開心果碎好香，不過就食到有少少殼，咬唔開 😅
🍩 Baileys Espresso Donut 😋😋😋😋
買三送一之下，送嘅都有得再三選一 🤗 小編揀咗依款冬甩～ 一拎起就有Baileys奶酒香味，一咬奶酒味就出，咖啡☕️香味隨即散發出嚟；冬甩🍩質地鬆軟、回彈，整體好香甜～
🍰 Lemon Pound Cake 😋😋😋
每件約有五蚊銀咁厚，食落首先有檸檬🍋香，然後有淡淡檸檬酸甜；蛋糕質地濕潤、軟腍而挺身，糖霜都唔少，愈食愈甜 😌 唔怕甜嘅朋友，可以一試～
下午茶 💵 約港幣$40/件
💁🏻♀️ 小編係平日下午4點左右經過，見店員同前面客人講先知買三送一～ 咁樣買除返開就會比單件買抵食 😉 本身烘培食品比較大件，可以同屋企人share口味之餘，亦可以包辦埋第二日嘅下午茶 🤓 提提大家：依間只收咭 💳 唔收現金㗎～
🙆🏻♀️ 最後，喜歡嘅話，歡迎follow @foodirectory.hk！
張貼
