YAKINIKU GREAT SOHO

營業中

休息中

Item: YAKINIKU GREAT SOHO
Rating: 1
Author: guyguy649

4.5

77 食評

味道

環境

服務

衛生

抵食

23345

中環

$801以上

日本菜烤肉廚師發辦

guyguy649

等級1

我哋一行四人book左6:00第一round, 兩名友人準時攞位，我和女友則6:05到達。四位人齊後，外籍服務員則開始介紹menu，大約6:15分下單開始是日晚餐，我們叫咗9 courses menu，打算到晚餐中段才點其他單點肉品。因為我女友不喜歡辛口味調味，所以特別叮囑外籍服務員要走洋蔥、青蔥和蒜頭。可能我地英文比較差，所以外籍服務員找來了餐廳經理再一次用廣東話對我們確認。我絕對相信我哋被以為係「神秘顧客」，所以餐廳的服務對我們非常熱情，差不多全餐廳的服務員（一共大約6位）來到我們這邊來燒肉。服務員A 一共來了3次左右，對燒牛的時間非常執著，她會像拍子機般，一邊燒肉，一邊數拍子，1-2-3-4，1-2-3-4，全部數出聲，好似想我哋一齊Jam咁，投入忘我境界。服務員B來了2次，絕對明白疫情嚴重，所有食品應該要全熟先安全，避免病從口入。服務員C最叻女，亦都係全晚signature嘅一道牛肉井，呢道正常海膽牛肉井會有蒜片和青蔥，明明已經提醒佢女友嘅特別要求，佢竟然把沒有放蒜片的那一份上放青蔥。我立時凸了眼，佢仲一臉無邪咁問我有什麼問題？整晚的服務員全都不知道或忘記我女友的特別要求，即代表我要重複9次（9道菜）走洋蔥、青蔥和蒜頭。另外一樣貼心服務不得不提，餐廳為避免我哋會額外叫單點食得太多，會肥，所以整晚無提過last order, 亦無問我地是否需要加點。當服務員開始上碗牛肉井，我們才知道這是最後一道菜，而我哋一邊食一邊商量是否追加。正當我們商量完畢，放下飯碗，準備舉手之際，服務員9秒9到達，不問因由，就放下賬單。我哋即刻黑人問號，點解我哋無講埋單，竟然有餐廳會不讓客人繼續點餐？？我哋都無所謂，咁就埋單吧。奇怪地方又嚟了，在等待信用卡過數之際，我女友和另一友人就係廁所時間，餐廳又送上熱辣辣粟米茶和糖給我們消滯。當杯茶仲未開始飲，仲係熱到唔可以揸住個杯，嗰位外籍服務員用非常不禮貌的態度和字眼，要求我哋立即交枱，仲話有客人已在外等待，仲要不停話訂枱時已經講咗幾點交枱，所以我哋必須立即離開。此時此刻嘅我哋，好好禮貌咁同佢講，我哋飲埋杯茶就走，如果可以的話，下次攞檯時再提醒一下交枱時間就好了。哈哈同之前一樣，外籍服務員同我地雞同鴨講，要餐廳經理出口，不過，餐廳經理就好似錄音機咁，不停講訂枱時已講咗，對於佢啲失憶同事嘅服務，一概不評論。當然我哋都走啦，都唔得貪佢杯茶，出到大門口8:15，一個人都無，邊個等緊位呢？
總括來說，食物質素比呢間好嘅大把，呢間亦無任何驚艷，發誓以後唔去。