PHI Coffee & Pancake (形點 II)

營業中

休息中

中秋節優惠，身份證有10個“0”字，就可以享有全單2折！2個“0”有9折，6個“0”送免費梳乎厘。 Dinner Set $368餐湯或沙律+主食兩款+小食一款+飲品2杯磨菇湯，磨菇味超香，有粒粒磨菇碎。綠野仙蹤意大利飯，奶油味香，略帶微苦，帶子好大粒好嫩，飯入面有紅椒、露荀。蕃茄海鮮扁意粉，青口有5隻，另有八爪魚仔、蝦，蕃茄味濃，但偏酸。香水檸檬茶用檸檬及青檸，味道清新，青檸味香，微甜。朱古力上面有Cream，賣相不錯，朱古力味濃。 藍莓希臘乳酪梳乎厘 $125食唔到有希臘乳酪，梳乎厘好香蛋，好厚身，微甜。藍莓醬偏酸，配上cream同雲呢拿雪糕 。反而藍莓醬味太濃，蓋過左梳乎厘本身既香味。 北海道牛乳芝士蛋糕 $68好creamy，好軟，但好甜。芝士味唔濃，蛋糕底， 食落似木糠布甸。另跟飲品一杯。整體食物味道不錯，份量亦算多。2折後埋單$170，超抵食。但等候食物時間比較長。