和氣食堂 (黃大仙中心南館)

營業中

休息中

呢間和氣食堂又近車站性價比又高，我地去到已經好多人排緊隊，攞飛行左陣街先到我地。一黎見到個餐牌好吸引，樣樣都想試!結果我地幾個女仔叫左勁多野食，食到好飽😋 。呢個左口魚牛油果沙律要推介，黑松露夠哂香 啲醋又酸酸甜甜好開胃，重點係個左口魚邊夠哂滑又彈牙、好正！然後呢個燒三文魚皮都要讚下，佢燒得夠哂脆又唔油，點埋沙律醬就冇咁熱氣啦！四款刺身，有三文魚， 甜蝦，帶子同埋海膽。刺身厚切， 尚算新鮮，特別係海膽，鮮美濃郁回甘味強，幸福感爆燈。呢款千回火鳥，顧名思義就係雞翼，燒得香脆可口、外脆裡嫩、肉質仲好juicy添🤤呢杯宇治金時，主要係以紅豆同綠茶為主，頂層再加上香滑嘅cream、配上濃濃嘅綠茶粉，甜得黎帶點苦澀味。青蘋果奇異果梳打，清甜得黎帶點清新嘅酸味，非常醒胃。芋圓口感煙韌，顏色五彩繽紛。雪糕下面仲有corn flakes，令到成個Dessert既口感更加豐富。