盛記酒家

營業中

休息中

在灣仔放工，即興到盛記酒家食晚餐，位於灣仔杜老誌道6號群策大廈3樓。 酒樓地點方便， 服務良好。 店內主打中菜，晚餐🥢 ～ 流心酸薑皮蛋$38、海蜇燻蹄$78、 乾隆醉雞$78、 紅酒燴牛尾煲$148、 乾扁肉鬆四季豆$108。 🔸流心酸薑皮蛋 ～ 皮蛋黏口滑溜， 配上酸薑開胃清甜。 🔸海蜇燻蹄 ～ 海蜇脆口有彈性，燻蹄肉質紮實， 邊皮夠爽口，蘸上蒜蓉醋， 酸酸地好好味。 🔸乾隆醉雞 ～ 酒香濃濃加上滑嫩的醉雞肉，份量十足。 🔸紅酒燴牛尾煲 ～ 牛尾炆得夠曬腍又入味，煲裏面的汁用來拌飯都不錯。 🔸乾扁肉鬆四季豆 ～ 四季豆炒得乾身爽口， 四季豆和肉鬆吸收所有精華，很惹味。 整體各款菜式做得幾好， 店員親切有禮☺️。 🏷️溫馨提示～ 整個用餐體驗均屬個人分享意見， 只作參考😊。