影片
更多
2014-04-19
7174 瀏覽
次次家庭聚會都會去平時幫襯開既酒樓，但因為酒樓最近大裝修，所以雖然驚d長輩唔鍾意，但都要提議試試八月軒! 美心集團既八月系列 (八月花、八月居) 一向係我既至愛，今次八月軒亦不例外!是次晚飯叫左十二人晚餐，有七個餸，咦! 七個!? 所以再加多個脆皮BB豬同檸汁叉燒包! 先黎八月軒燒味拼盤，有叉燒、燒鵝、海浙、豉油雞、鮑片夾青瓜，樣樣都唔錯，尤其是鮑片夾青瓜，鮑片十分鮮味而且juicy~脆皮BB豬暖暖的，皮脆肉唔韌，咸度適中，乳豬件既底部已加有海鮮醬，唔需要再加已夠味道~花膠竹笙燴生翅 - 唔需要加醋已經十分夠味! 非常足料! 好多翅、好多竹笙，我仲飲左兩碗! X.O.醬花蚌炒蝦仁 - 花蚌同露荀好爽，微辣，好惹味~艇皇浸翠苗 - 有豆苗仔、蒜子、東菇碎、竹笙碎，上湯好鮮甜，唔覺有味精，而豆苗仔亦好嫩好爽~生炒牛肉飯 - 唔錯，無特別，不過唔太喜歡飯上面既松子~招牌炸子雞 - 皮脆肉嫩，咸度亦適中~唔錯~其實仲有清蒸沙巴龍躉，不過唔記得影相~一向好怕酒樓既蒸魚肉質粗鞋，但今次卻非常美味，蒸得剛剛好，肉質嫩滑鮮味! 平時屋企人多數都會食淨，不過今次真係一件都不留! 另外叫既檸汁叉燒包，包裡
是次晚飯叫左十二人晚餐，有七個餸，咦! 七個!? 所以再加多個脆皮BB豬同檸汁叉燒包! 先黎八月軒燒味拼盤，有叉燒、燒鵝、海浙、豉油雞、鮑片夾青瓜，樣樣都唔錯，尤其是鮑片夾青瓜，鮑片十分鮮味而且juicy~脆皮BB豬暖暖的，皮脆肉唔韌，咸度適中，乳豬件既底部已加有海鮮醬，唔需要再加已夠味道~
花膠竹笙燴生翅 - 唔需要加醋已經十分夠味! 非常足料! 好多翅、好多竹笙，我仲飲左兩碗!
X.O.醬花蚌炒蝦仁 - 花蚌同露荀好爽，微辣，好惹味~
艇皇浸翠苗 - 有豆苗仔、蒜子、東菇碎、竹笙碎，上湯好鮮甜，唔覺有味精，而豆苗仔亦好嫩好爽~
生炒牛肉飯 - 唔錯，無特別，不過唔太喜歡飯上面既松子~
招牌炸子雞 - 皮脆肉嫩，咸度亦適中~唔錯~
其實仲有清蒸沙巴龍躉，不過唔記得影相~一向好怕酒樓既蒸魚肉質粗鞋，但今次卻非常美味，蒸得剛剛好，肉質嫩滑鮮味! 平時屋企人多數都會食淨，不過今次真係一件都不留! 另外叫既檸汁叉燒包，包裡面大部份係空心既，餡料份量極少，本身已經唔係好欣賞加左檸汁既菜式，如西檸雞，而呢個檸汁叉燒包亦唔係好得我歡心，味道怪怪的~
總括而言，大家都好滿意今次既家庭聚會，相信絕對有下次~八月系列依然會係我既中菜首選，今餐仲見到周圍既枱都有叫甜品 - 千層酥，但係份量實在太大而我地又好飽，所以留返下次先試啦~
張貼
