警察總部雅膳中菜廳

營業中

休息中

今日朋友帶我地入黎食飯，原來都幾抵食。人均$70可以食飽飽。四人套餐先$268。唔洗加一，只收茶芥$7/位。套餐選擇都幾多。首先上左個附送既例湯。起碼每人飲到兩碗。幾足料，有豬骨、蘿蔔等等。我地今次有蝦餃。鮮蝦白菜餃。燒賣。燒鴨配貢菜。涼瓜煎封黃立倉。鹹魚雞粒炒飯。鮮菌鰻魚汁牛肉炒河。見無蔬菜仲加左個芥蘭炒魚餅。咁豐富食到飽曬，先人均70。仲有得對住中環靚景食。真係羨慕係呢度番工既人。日日有得係度嘆茶都幾正。