影片
更多
2023-03-31
148 瀏覽
係觀塘區返工嘅我, 成日都周圍搵啲平靚正嘅餐廳同事食飯。今日行到去敬運工業大廈「友情廚房」搵食, 呢度有間CP高, 又絕無添加味精嘅小店, 最正係佢中西合璧, 有小菜, 燉湯, 意粉, burger, pizza都有, 極多樣化, 應有盡有, 主廚擁有超豐富的烹飪經驗, 仲會開辦唔少烹飪課堂。午市優惠套餐, 價錢有貴有平, 約$50-$100。真係可以日日食唔同嘅野呀, 好有「家的味道」, 又是良心餐廳。餐廳有一個角落小賣部『友料到市集』🛍️, 都有好多產品, 有水樽, 筆記簿, 遮, 熟食餸包, 湯包自家製飲品等等。員介紹湯包可以浸熱水, 煲返熱就食, 非常方便, 仲係香港製造, 無味精無防腐劑無人造色素, 可放心食用。當我地苦腦唔知食咩時, 職員都好好人, 熱情咁介紹比我地。今日有泰式香辣🌶️肉碎飯套餐, 可配青檸梳打, 另一個套餐叫咗時菜🥦炒花枝配燉湯, 仲有湯時蔬, 白飯🍚, 仲可以加配自家製飲品。真材實料真心推介, 仲有呢度嘅餸係即叫即炒熱辣辣新鮮又好食。泰式香辣肉碎飯可配青檸梳打🍹 - $75呢個好好食, 好有泰式風味。肉碎唔乾, 加埋豆角粒, 乾蔥一齊炒, 口感豐富, 調味上
餐廳有一個角落小賣部『友料到市集』🛍️, 都有好多產品, 有水樽, 筆記簿, 遮, 熟食餸包, 湯包自家製飲品等等。員介紹湯包可以浸熱水, 煲返熱就食, 非常方便, 仲係香港製造, 無味精無防腐劑無人造色素, 可放心食用。
當我地苦腦唔知食咩時, 職員都好好人, 熱情咁介紹比我地。今日有泰式香辣🌶️肉碎飯套餐, 可配青檸梳打, 另一個套餐叫咗時菜🥦炒花枝配燉湯, 仲有湯時蔬, 白飯🍚, 仲可以加配自家製飲品。真材實料真心推介, 仲有呢度嘅餸係即叫即炒熱辣辣新鮮又好食。
泰式香辣肉碎飯可配青檸梳打🍹 - $75
呢個好好食, 好有泰式風味。肉碎唔乾, 加埋豆角粒, 乾蔥一齊炒, 口感豐富, 調味上做得好, 小小辣過下癮, 個辣都做得好香, 唔錯, 份量十足, 再加左隻大大隻既太陽蛋, 脆邊煎得好出色, 絕對係可以再試呀! 青檸梳打打卡一流, 梳打水加薄荷葉, 青檸, 唔太甜, 夠清新。
燉湯套餐- $98
小菜套餐有成10款比你揀, 包主菜, 一款燉湯, 時菜及白飯。主菜要咗時菜炒花枝, 時菜係西蘭花🥦, 顏色翠綠, 花枝球炒得夠火候, 軟硬度適中, 又夠爽, 質感彈牙有鮮味, 味道亦不錯, 兩樣材料控制恰到好處。時蔬真係冇諗過咁講究, 唔係是但烚兩條菜你就算, 一啲都唔馬馬夫夫, 用上菌乾, 蒜子上湯浸白菜, 味道清清地又唔乏味。燉湯有4款比你選擇, 我揀咗螺頭百合燉湯海底椰, 響螺有助益氣養陰, 滋陰補腎, 防疫期間大家都注重養身, 大家在飲食上多選擇燉湯🥢來滋補身體, 提升免疫力, 呢度仲要有平靚正嘅套餐配燉湯, 唔試真係對唔住自己啦。湯非常足料, 又好夠味, 絕無味精。
去濕檸檬薏米水 - $10 (跟餐配)
另外再加咗樽去濕檸檬薏米水, 檸檬酸味及薏米味都好夠, 只有少少甜。近排濕氣皇, 飲返支就啱哂啦。
#友情廚房 #良心小店 #燉湯 #自家製湯包 #觀塘美食 #香港美食 #foodie #相機食先 #美食推薦 #hkfoodie #hkfood #相機食先 #中菜#pizza#西餐
張貼
