友利坊 x 友利冰室 x 勿當奴 (已結業)

做餐飲，要夠創新，先俾到新鮮感大家，留得住食客👍🏻。呢間餐廳好特別，佢嘅菜式，既中且西，又會互相crossover 黎個中西合璧，非常搞鬼。要中式佢地有⭐️古法雙冬羊腩煲呢幾日剛剛入冬，凍到飛起🥶，食個羊腩煲就成個人都暖返哂！👍🏻羊腩炆得好腍，炆到骨肉分離😂，食起上嚟超級方便。個汁非常好送飯，唔會太鹹又唔會太渴，非常濃郁！枝竹都炆到好入味！👍🏻不得不提個腐乳，食落有陣好香嘅玫瑰香味🌹，好清新，好驚喜❤️。呢個冬天，凍冰冰如果懶得出街，仲可以買佢既⭐️急凍羊腩煲，買返屋企，咁轉冷就隨時都有得食啦👍🏻。另外中西合璧呢，都好令小妹喜出望外架👍🏻👍🏻⭐️即燒爆谷燒鵝燒鵝雖然無話肉厚肥美，但個脆皮很不得了，一入口，就好似食緊爆谷咁，有陣焦糖爆谷嘅香味，係口腔中爆發🤤。而且，係好強烈！食燒鵝但又有爆谷，有趣👍🏻。⭐️乳豬卡邦尼意粉卡邦尼意粉上面，鋪左幾片脆皮乳豬。意粉白汁杰身，仲有大量既芝士粉。乳豬唔算肉厚同肥，但勝在夠脆。最得意係，個海鮮醬，原來撈落去個意粉到，又會同白汁好夾架喎！😂 又係另一個搞鬼又有趣既嘗試❤️。