韓牛牧場 (已結業)

因為太遲book，好多都無曬位，最後簡到呢間韓牛牧場，就一於試一試佢有兩個套餐，一個2百幾一個4百幾，兩個都係任食放題套餐，最後我地簡左2百幾既試下。佢基本上包左個刺身set同韓牛set比你，但其實入面啲野都有得再叫，起初我地唔知，最後變成叫左好多差唔多甚至乎一樣既野食。仲有佢送左個醬油蝦，有去韓國食過既話，就會覺得嘛嘛地，但如果未食過既話，味道尚可。值得讚既係佢啲牛肉確實好嫩口，枱面都有張紙話比你聽燒幾耐，不過範圍好廣泛，如果佢再細致啲寫邊隻肉燒幾耐會更貼心haha。刺身壽司方面選擇唔多，最可惜係我地果日去無得叫三文魚，職員表示數量唔夠，所以無得任食，只係得一開始包果個刺身set先有，呢個係美中不足位。不過佢既韓牛壽司真係推介，非常好食👍🏼另外職員送左生蠔比我地食，好開心😂生蠔都好鮮甜，呢個幾驚喜😎整體黎講中規中矩，不過不失。