真心泰國菜館 (已結業)

真心lee間泰國菜好耐冇食過了。之前多數係去朗豪坊果間真心。今次去左通菜街果間，一入到去，坐滿人。生蝦，唔錯算新鮮，配上佢既醬汁都不錯。冬蔭公有火熱住，香料重，有蝦有菇，湯真係幾辣下，越耐越辣要小心，不過偏咸，我地冇飲哂。咖哩蟹都ok，但蟹唔夠新鮮。西柚辣沙津係必叫既泰國菜式，柚子肉都好多，少少辣，但今次調味唔夠酸，再酸d就正嘞。泰式炒貴刁，正常。馬拉盞炒通菜(走辣)都係我必叫之一，因為我每餐都要食d菜。有鑊氣，又夠味。泰式串燒（雞+牛）較為失準，牛醃過龍。