一泡而紅 (已結業)

夜媽媽有啲肚餓，於是約埋朋友仔去附近食啲野，本來想食樓上間吉野家，但太多人，同埋朋友又想試下新野，最後就黎左呢間一泡而紅。想食得健康少少，就揀左個番茄薯仔牛肉泡飯，但點知落order 時老細話無哂薯仔，最後轉左落冬瓜粒，但都係完全唔夾個湯，加上番茄湯底本身飲落都幾酸，最可怕既係佢既飯係食得出有種隔夜飯既味道，同埋煮得太爛身。唯一覺得唔錯既係牛肉，煮得唸身又比較好食(不過都係夾唔到番茄湯底)再試左一啖朋友嗰碗雙魚奪金泡飯既湯，同自己嗰碗差好遠... 真材實料既魚湯，魚肉好滑好好食。不過無試佢啲飯，但應該同自己嗰碗一樣都係麻麻地。差三蚊既話，早知我都叫呢碗雙魚奪金泡飯。