鴻星中菜 (已結業)

提前慶祝母親節，去左淘大間鴻星食飯。1-4都平小小，唔叫平，應該係無加價。有個母親節餐，睇d送名好奇怪，唔想集體12人中伏。嗌左個鴻運12人餐，起碼上年食過唔會瀨野.上菜都好快，頭盤乳豬，但係得d皮 好少肉， 燶左dd，皮都幾脆。跟住龍蝦依麵就上lu。波斯頓龍，無咩肉咬，個汁略嫌傑左D。味都都算可以，但係龍蝦肉少左D。講講煲鮑魚，賣相幾好，但鮑魚仔有d舊舊地既味，其實間間酒樓既都差唔多。不過d冬菇就好出色，全部味道比距索曬，而且好厚身。條班都算OK，無過火，夠曬大條。碗翅，只雞都幾滿意。合格味，對得住鴻星個名。埋單加一3300，都算正常價。淘大尼邊 我覺得鴻星係最好既選擇。隔離幾間真係唔咁試，無畏貪平果幾百，親戚聚會集體12人中伏。