影片
更多
2019-08-27
2140 瀏覽
上網睇莎樂美, 負評不少, 又話湯好杰撻撻, 又話牛扒燶咗一邊.....雖然如此, 但無計啦! 女友話未試過莎樂美想試一下喎.....唉.... 女朋友話要食, 做男人就盡量帶佢食, 如果反女友意見唔帶佢食, 相信以后會無啖好食. (>_<)大不了, 咪食一次無覆桌囉...未行入餐廳齋睇門面, 七八十年代味道已經出哂黎.一開門, 冷氣夠, 掂!上咗二樓, 點咗個鐵板T骨同鐵板西冷, 兩個都七成熟.優點 :1, 雖然個餐包唔太熱, 但好多餐廳已經無提供牛油餐包噜2, 餐湯點咗一紅一白, 白湯內居然有塊梳打餅, 而白湯名副其實杰撻撻! 點解係優點? 因為夾我口味囉! 如果唔中飲杰湯就視為缺點吧....3, 鐵板係勁熱辣手發出吸引嘅咋咋聲! 同深水埗把鬼飛X簡直差天共地!4, 總覺得鐵板餐要有個蕃茄, 薯條同雜菜粒先完美, 雖然莎樂美轉用薯角代替有D美中不足, 但份量無偷工減料, 可以接受啦.5, 不論T骨同西冷, 份量勁大, 由其係T骨, 大過塊鐵板!6, T骨肉質較冧, 西冷肉味較重.7, 上扒速度快.8, 甜品係我中意嘅朱古力味. 缺點 :1, 記然塊鐵板咁熱, 當然食
雖然如此, 但無計啦! 女友話未試過莎樂美想試一下喎.....
唉.... 女朋友話要食, 做男人就盡量帶佢食, 如果反女友意見唔帶佢食, 相信以后會無啖好食. (>_<)
大不了, 咪食一次無覆桌囉...
未行入餐廳齋睇門面, 七八十年代味道已經出哂黎.
一開門, 冷氣夠, 掂!
上咗二樓, 點咗個鐵板T骨同鐵板西冷, 兩個都七成熟.
優點 :
1, 雖然個餐包唔太熱, 但好多餐廳已經無提供牛油餐包噜
2, 餐湯點咗一紅一白, 白湯內居然有塊梳打餅, 而白湯名副其實杰撻撻! 點解係優點? 因為夾我口味囉! 如果唔中飲杰湯就視為缺點吧....
3, 鐵板係勁熱辣手發出吸引嘅咋咋聲! 同深水埗把鬼飛X簡直差天共地!
4, 總覺得鐵板餐要有個蕃茄, 薯條同雜菜粒先完美, 雖然莎樂美轉用薯角代替有D美中不足, 但份量無偷工減料, 可以接受啦.
5, 不論T骨同西冷, 份量勁大, 由其係T骨, 大過塊鐵板!
6, T骨肉質較冧, 西冷肉味較重.
7, 上扒速度快.
8, 甜品係我中意嘅朱古力味.
缺點 :
1, 記然塊鐵板咁熱, 當然食到我身水身汗啦!
2, 座位狹窄.
3, 30幾年歷史嘅餐廳雖然懷舊, 但環境污糟咗少少, 身旁格仔牆藏有不少灰塵.
4, 燈光太暗, 暗到女友生暗瘡都睇唔到!
5, 飲品太細杯.
6, 餐包唔夠熱.
7, 紅湯感覺求戀期, 無牛腩, 好水, 味道只有咸味, 飲一啖就放底.
8, 侍應服務仍停留係三十年前, 聽到佢同其他食客講話態度一般.
9, 收加一小賑.
問女友有咩評價，佢話一般，好好好又講唔上，好差又唔係囉，所以，俾 ok 啦！
張貼
