火山燒 (已結業)

係荃灣廣場附近，見鋪頭餐牌幾吸引，於是便入鋪食個晚飯嗌咗兩個主菜，一個係燒安格斯肋腰背忌廉滑蛋珍珠米丼，另一個是香煎帶子忌廉意大利粉，兩個都跟餐，跟餐有個湯，串燒，沙律同野飲。粟米湯同串燒係前菜所以都無乜特別，先上個牛丼，賣相吸引，滑蛋鋪滿飯，飯上面鋪滿牛，牛上面有啲鰹魚屑同紫菜，滑蛋非常滑，啲飯有啲燒汁，混起來吃口感不錯，牛肉有啲失望，咬落偏韌且味道淡，一般般，但份量多。意大利粉賣相也不錯，整體味體偏咸，洋蔥配料非常多，所以意大利粉食落洋蔥味好濃。嗌咗兩杯野飲，芒果疏打同埋烏龍奶蓋，芒果疏打不錯，烏龍奶蓋一般般。