中記

營業中

休息中

餐廳：中記地點：灣仔駱克道市政大廈菜式：地道港式大排檔餐牌：人氣必食、招牌雞煲、佐酒美食、辣味派對、生猛海鮮、滋味豬肉、鮮嫩滑雞、湯羮時蔬、精選煲仔、惹味牛肉、港式邊爐、海鮮盛宴、特色串燒。今日叫咗個雞蟹餐，$598包招牌避風塘炒蟹，秘製辣雞煲同金銀蛋浸時蔬，仲有白飯同飲品各兩份。招牌避風塘炒蟹招牌避風塘炒蟹超大碟，熱辣辣上枱。隻蟹好大隻，蟹蓋下面好多膏。蟹身一開四件，方便食用，蟹肉超鮮，食得出係新鮮貨色，蟹殼整得好脆，我叫左少辣，辣味剛好。蟹鉗開四件，好易食用。伴有新鮮番茄，生菜同芫荽，可以解膩。秘製辣雞煲秘製辣雞煲用個爐熱辣辣上枱，絕對係冬天恩物。連皮雞肉好多，都好滑溜，個汁好惹味，辣度頂呱呱。配料超多，有青椒，洋蔥，蔥段，西芹，薑片等，多到食唔嗮。金銀蛋浸時蔬金銀蛋浸時蔬係白菜仔加上大量肉碎，皮蛋，鹹蛋，蒜子同薑片。健康得黎夠味。汽水更有紙飲管。今餐招牌避風塘炒蟹真係好正，而座位都算乾淨，食完個身暖笠笠。