Restoran SAYA

營業中

休息中

話說之前去大角咀利奧坊探朋友既時候發現個商場𨴴咗好多新餐廳，而且仲幾有特式，所以襯放假就去搵下食。今次揀左依間泰國餐廳，用湖水綠色做主題，擺設仲好有泰國feel，打卡一流。青木瓜沙律 一酸酸甜甜有少少辣，加埋爽脆口感係幾開胃。泰北咖喱金麵-依個係餐廳招牌特色菜，一上枱都令我好興奮，咖哩味超香。金麵係泰北菜入面著名既麵類，RestoranSAYA既金麵係一半炸一半煮有雙重口感好有層次，每條麵都掛哂咖哩汁，少少辣好好味。伊善炭火燒雞 - 賣相好特別用竹籤夾住，應該係夾住直接用炭火燒所以有啲熱，炭火燒出黎既雞肉保留咗一份焦香，肉質夠滑而且juicy係幾好味。不過可能個金麵太出色就覺得依個雞普通。So far 啲野好食，但價錢就一般般抵食，試過就好啦！