豐石板燒專門店 (已結業)

喜歡選擇早點食晚餐, 一來唔使排隊, 二來可以慢慢享受!6點係旺角附近四圍搵, 想搵間好嘢食吓, 嘆吓。見到一間不太起眼嘅鋪頭, 但入邊已經差不多坐滿客, 好奇心嘅驅使下我哋就入去試喇。石板燒, 係我至愛之一, 因為可以傾吓食吓, 而D食物仍然係熱辣辣。經店主介紹, 兩個人揀咗, 一個肩胛肉眼$78, 一個西班牙黑毛豬梅肉$108, 原來個餐係包埋, 沙律, 麫豉湯同白飯, 仲要係任食喎, 可以唔使其他食物都一定可以食到飽!但真係好耐冇出街食飯啦, 就好似剛放出來, 不停叫, 不停叫...芝麻雞翼$20, 虎蝦兩隻$60, 珍寶帶子$40, 藍青口$20, 香芋丸$20, 平均每人都係兩百蚊, 超滿足!先講肩胛肉眼, 店長介紹話這款較有咬口, 哈哈，就揀佢啦，上枱時，有兩大塊呀，質感真的有𡁻頭，我鍾意。而且夠平！最抵食👍🏻黑毛豬是朋友揀的，佢話夠腍，都滑的，唔錯。其實，我好主張自己燒，生熟程度可以按自己喜好去煮。一定食得滿意呢😍佢哋嘅芝麻雞翼好正，真係炸到外脆內軟，好滑溜。必叫呀！藍青口有五隻，可以試試，有鮮味。其餘虎蝦，燒烤恰到好處，帶子夠大，夠嫰...真係樣樣都好啱口味，唔知係咪因