影片
更多
2016-06-07
2886 瀏覽
同朋友仔好耐冇見，想搵間靚D既西餐廳，因為好多水想吹。上網呢間餐廳好多好評，一於試下先。去到基本上都唔使點諗，就叫個二人餐咩都有得試。鮮果釀酥盒、香芒鳳尾蝦野菜沙律頭盤有鮮果釀酥盒同香芒鳳尾蝦野菜沙律，上台時賣相都幾精緻喎。沙律同埋酥皮盒上面都淋左芒果汁，味道甜甜地幾開胃。酥皮盒入面有哈密瓜、火龍果、菠蘿等等既生果都幾豐富。而野菜沙律有好多款唔同既菜，夠晒新鮮。忌廉芝士蠔/黑松露焗蠔每樣有兩隻。上台時熱辣辣，而且好香芝士味，面頭焗到金黃色，好令人期待呀。一上台已經係濃濃既芝士味，而黑松露個一款除左芝士味當然仲有黑松露既獨有香味，我呢個重口味人士梗係鍾意後者啦。周打海鮮湯今日廚師餐湯係周打海鮮湯，不過呢個湯比較稀，再杰身D就好啦。法國鵝肝野菌忌廉意大利飯面頭有一大塊鵝肝。意大利飯中間混雜左唔同既野菌，意大利飯偏硬，同忌廉汁都幾配。上面一大塊鵝肝兩邊煎到脆卜卜，中間仲係軟淋淋。入口偏鹹，配埋比較淡口既忌廉意大利飯食就更加突出。日本活性水飼豬鞍扒配蒜蓉牛油焗扇貝一大塊扇貝鋪係面，下面就係豬鞍扒。四周有好多唔同種類既配菜。扇貝比較濃味，而且焗過，可以做到外皮脆既效果。下面塊豬鞍扒比較薄，好容易
鮮果釀酥盒、香芒鳳尾蝦野菜沙律頭盤有鮮果釀酥盒同香芒鳳尾蝦野菜沙律，上台時賣相都幾精緻喎。沙律同埋酥皮盒上面都淋左芒果汁，味道甜甜地幾開胃。酥皮盒入面有哈密瓜、火龍果、菠蘿等等既生果都幾豐富。而野菜沙律有好多款唔同既菜，夠晒新鮮。
忌廉芝士蠔/黑松露焗蠔每樣有兩隻。上台時熱辣辣，而且好香芝士味，面頭焗到金黃色，好令人期待呀。一上台已經係濃濃既芝士味，而黑松露個一款除左芝士味當然仲有黑松露既獨有香味，我呢個重口味人士梗係鍾意後者啦。
周打海鮮湯今日廚師餐湯係周打海鮮湯，不過呢個湯比較稀，再杰身D就好啦。
法國鵝肝野菌忌廉意大利飯面頭有一大塊鵝肝。意大利飯中間混雜左唔同既野菌，意大利飯偏硬，同忌廉汁都幾配。上面一大塊鵝肝兩邊煎到脆卜卜，中間仲係軟淋淋。入口偏鹹，配埋比較淡口既忌廉意大利飯食就更加突出。
日本活性水飼豬鞍扒配蒜蓉牛油焗扇貝一大塊扇貝鋪係面，下面就係豬鞍扒。四周有好多唔同種類既配菜。扇貝比較濃味，而且焗過，可以做到外皮脆既效果。下面塊豬鞍扒比較薄，好容易切開，而且一D都唔鞋。
食完主菜，點可以冇甜品。雖然已經好飽，但係女仔食甜品係用第二個胃。呢個甜品有芝士蛋糕、栗子撻、泡芙等。每樣一件晒兩個女仔呀。個人最鍾意食栗子撻，撻皮夠晒脆。
最後整杯熱奶茶。呢度既茶同埋奶都係自己落，我個人就鍾意奶味重既奶茶，唔錯。食下野傾下計，咁樣就完結左豐富既一餐啦！
張貼
