影片
更多
2022-12-11
75 瀏覽
上網搵到間好抵食嘅印度自助餐，餐廳叫Jashan Celebrating Indian Cuisine，星期一至日都有lunch buffet食，$148/位加一，星期日就$168/位加一，由12：00食到14：30。地點唔難搵，沿住扶手電梯上黎，之後見到一個叫金珀苑嘅門口撘lift。我地book左位十二點鐘黎到，意外地多客呢，餐廳已經半滿座，估唔到星期六都咁多人黎到中環食野喎。餐廳乾淨企理，自助區食物都幾多選擇，仲有標籤label係咩食物，一開始有沙律，旁邊有炸物，另一邊有各式咖哩同印度香米飯，最後排有甜品，應有盡有呢😍自助餐包一杯飲品，叫了🥭mango lassi，幾乎全場都係叫呢樣，味道香甜真係幾好飲👍店員好快送上餐前小食dosa，有啲似可麗餅但更薄同更脆，入面包住薯仔餡，酥脆香口。仲有每枱都會送上naan，煙韌有咬口，上枱時仲係暖㗎，好好味😊其他就係去自助區都拎嘅食物，先食下沙律菜開開胃，再拎齊各種咖哩配上香米飯，個人至愛lasooni palak paneer，菠菜乳酪真係好好味，butter chicken微微辣好惹味，另外幾樣都好食㗎。食飽飽就梗係要試埋甜品啦，好鍾意食呢
地點唔難搵，沿住扶手電梯上黎，之後見到一個叫金珀苑嘅門口撘lift。我地book左位十二點鐘黎到，意外地多客呢，餐廳已經半滿座，估唔到星期六都咁多人黎到中環食野喎。
餐廳乾淨企理，自助區食物都幾多選擇，仲有標籤label係咩食物，一開始有沙律，旁邊有炸物，另一邊有各式咖哩同印度香米飯，最後排有甜品，應有盡有呢😍
自助餐包一杯飲品，叫了🥭mango lassi，幾乎全場都係叫呢樣，味道香甜真係幾好飲👍
店員好快送上餐前小食dosa，有啲似可麗餅但更薄同更脆，入面包住薯仔餡，酥脆香口。
仲有每枱都會送上naan，煙韌有咬口，上枱時仲係暖㗎，好好味😊
其他就係去自助區都拎嘅食物，先食下沙律菜開開胃，再拎齊各種咖哩配上香米飯，個人至愛lasooni palak paneer，菠菜乳酪真係好好味，butter chicken微微辣好惹味，另外幾樣都好食㗎。
食飽飽就梗係要試埋甜品啦，好鍾意食呢個gulab jamun印度甜奶球，雖然真係好甜，但軟綿綿又香口㗎😋 另外仲有kheer米布甸，呢樣好滑仲有濃郁奶香，都唔錯。
整體食物高質，所有熱盤下面都有電磁爐暖住，仲refill得好快添。店員勤快收盤同斟水，店內環境光猛濶落，呢個價錢好抵食！
張貼
