九份•十分 (河畔花園) (已結業)

呢日黎探住係河畔花園既朋友仔，佢建議落佢樓下呢間台灣餐廳食野，地頭蟲介紹，我地當然賞面。門口夠eyecatching ，吾難搵。炎炎夏日，整番杯smoothie最正。優格野莓沙冰好大杯同足料，每啖充滿野莓味，仲有吾少野莓加強口感。蚵仔煎用煎pan仔上枱，賣相有心思，表面煎得香脆，蠔仔份量不少，吾錯。湯浸肉燥娃娃菜肉燥提升左娃娃菜既清甜味，比一般用上湯煮既更滋味。鹽酥雞大大碟，夠3個人食都係48蚊咋，仲有6款調味道任加，有玩味。味道方面，即叫即咋，粉皮厚度適中，無得輸，必叫 !醉糖心蛋可以遂隻叫，仲附送吾少木耳。啖啖酒香蛋香，吾錯。忌廉芝士蘑菇雞翼又係即叫即炸。忌廉芝士蘑菇同嫩滑又有肉汁既雞肉，有層次感得黎又好夾，好味 。餐牌圖文並茂，中英對照，實物同圖9成似，吾怕揀錯野食。臨走見到部幾靚既電話掛飾。