抹茶館 (荷里活廣場)

營業中

休息中

做完運動，一行14人大大細細去左抹茶館食晚餐，貪佢有日式定食，拉麵亦有精緻甜品，應該可以滿足所有人既口味。首先值得一讚係雖然我地有14個人，店員都好努力將7張細枱泊埋一齊，安排全部人可以坐埋一齊，唔需要分開坐。今次大部份人都係散點拉麵或日式飯，我係唯一點定食既一個。我點左火灸三文魚定食，我發現散叫同定食只差20蚊，但就多左湯，小食前茶同甜品，仲有飲品添。感覺上叫定食好似抵食好多😁前菜係牛蒡絲，小食係辣雞肉，湯係日式洋蔥湯；3樣野都唔錯幾好味；但主食火灸三文魚飯就有少少奇怪，三文魚刺身係正常既，但卻配上熱辣辣既普通白米飯，唔係壽司飯。所以當我食既時候唔覺自己係食緊日式丼，感覺有少少怪怪地。因為食得太飽所以就冇再點甜品，下次一定要試試佢既甜品。