健康食品拉麵 (軒尼詩道) (已結業)

朋友介紹呢間健康食品拉麵，話小店係由日本師傅主理，所以值得一試！疫情期間，又係買外賣啦😂食嘅係炸雞便當，見到外賣盒已經非常日式，好掛住日本啊😂😂先講配菜，有我至愛嘅玉子燒同埋醃青瓜，質素中規中矩啦！炸雞夠脆，就算外賣買到返去仍然脆口，算係驚喜，炸雞外皮夠脆，炸粉唔會太厚，內裡雞肉亦夠嫩滑，配埋份量充足嘅蛋黃醬，ko成份炸雞無難度！今次買外賣係用openrice先落單嘅，所以可以等小店預先準備好至去攞，唔使嘥時間等，希望openrice繼續發掘更多小店加盟外賣自取呢個服務啦！