星願 居酒屋 (已結業)

今日同男朋友仔拍拖行街街，返到屋企附近決定就食呢間日本餐廳🤤食完真係覺得好幸福，因為真係好好味😋連男朋友都忍唔住大讚🥳仲話以後多啲送我返屋企添，哈哈🤣我哋叫咗幾款特別嘅小食，喺出面好少食到👍🏻❤️日式燒饅頭：燒饅頭外脆內軟，上面仲有甜絲絲嘅煉奶☺️❤️士多啤梨汁燒湯丸：估唔到呢一個有幾特別，粒湯圓依依韌韌，配埋啲士多啤梨汁又幾好味！❤️日式將燒五花腩：油脂燒到迫晒出嚟，好香好脆！❤️鹽燒雞中亦 :外脆內嫩，肉汁豐富！❤️燒蛋糕：好特別，值得一試！❤️牛油果肥牛卷 ：口感豐富，估唔到牛油果同肥牛可以咁夾！❤️玉子鰻魚燒:兩樣都係我嘅至愛，夾埋一齊食更加正！❤️星願海膽丼:呢個丼飯性價比超高，所有刺身都好新鮮清甜，又多款式！特別係個海膽！絕對加分！