棠記海鮮小廚

營業中

休息中

呢日同屋企人去咗三聖食海鮮，我哋首先去咗附近嘅海鮮檔買咗一堆新鮮嘅海鮮，呢間餐廳可以加工海鮮，按重量計。我哋買咗好多海鮮，有瀨尿蝦、龍蝦、龍躉、蟶子、扇貝、蠔、海螺等，超豐富。海鮮超級新鮮，可以叫餐廳整成唔同嘅做法。首先，瀨尿蝦就整成椒鹽瀨尿蝦，瀨尿蝦大大隻，口感彈牙，勁惹味。蟶子就咁拎去炒已經好鮮味。蠔就分別拎咗去炸同埋用醬汁煮，各有風味。龍蝦拎咗去整做龍蝦芝士伊麵，勁多芝士，非常邪惡。辣煮海螺都好好食。下次過節再同屋企人過嚟食海鮮。