蟹慶 (已結業)

同朋友約左食午飯，星期五當然要食好少少啦。今日想食海鮮，所以就棟左係澳門逸園地庫既蟹宴。去到好快有侍應姐姐帶位，我地坐係角落頭，方便傾計，成間餐廳好多蟹既擺設，一如其名我地當然要食蟹啦。我地每人都叫左一個蟹御膳，入邊包括天婦羅蟹捧烏冬、蟹肉蒸蛋、蟹膏豆腐、忌廉蟹肉餅以及松葉蟹甲羅。先食個蟹肉蒸蛋，一打開成個面都係蟹肉絲同埋魚子，蛋蒸得好滑，連埋蟹肉絲同埋魚子食落口好幸褔。再來就係松葉蟹甲羅，上邊有滿滿的蟹肉之外，仲有蟹膏、海胆同魚子，海胆一D都唔腥，加埋蟹膏的甜味衝擊左我的味蕾，呢個堅正。跟住再食蟹膏豆腐，呢個都比到好大新鮮感我。估唔到豆腐加蟹膏可以咁夾，食落口係滿滿的蟹膏香味。到主菜就係天婦羅蟹捧烏冬，烏冬好Q好彈，蟹捧非常之粗，店主一D都唔孤寒，有成三條蟹捧咁多，再加埋甜甜香香既忌廉蟹肉餅，配烏冬一流。午餐埋單都係一人268加一，有咁好既野食咁既價錢真係好抵，CP值超高，下次要再來食過。