McSorley's Ale House (士丹頓街) (已結業)

今朝係附近上堂，落堂就去附近食LUNCH，見到依間餐廳門面幾有特色，就行左入去。佢有印度菜同墨西哥菜，兩樣我都未試過，我就揀左墨西哥菜的Enchilada，有得揀燻手撕豬肉同烤雞肉，我就揀左雞肉。上面係粟米捲餅再淋上牛油果蕃茄碎芝士醬，味道好濃郁，下面係蕃茄醬，黑豆配炒飯。可能用左印度米，飯粒比較長身，口感好黏韌，又炒得夠乾身，我將所有醬撈埋一齊食都唔會覺得漏。 我的牛油果控朋友就揀左雞肉TACOS， 一份有3件， 我就試左一件，即使上面有芝士醬， 都冇搶左牛油果的味道， 亦都加左蕃茄粒， 味道更清新。 兩碟份量岩岩好。下次可以試下印度菜。